Ярим доира фасадли чиройли бино 1938-йилда москвалик меъморлар А. А. Галкин ва А. Н. Карнаухов томонидан қурилган. Текис том, нишалар, лоджиялар ва балконлар муаллифларнинг иссиқ иқлимни ҳисобга олишга интилишни кўрсатади. Биногнинг меъморчилиги содда ва ихчам, унинг бўлиниши классик тамойилларга асосланган, — деб ёзади 1981-йилда нашр этилган «Тошкент» энциклопедияси.

Тўқимачилар маданият саройида 1990-йилларгача кўплаб болалар тўгараклари ишлаган: опера, театр, хор, рақс, болалар киностудияси ва бошқалар. Тошкентликлар изостудия ва хореография дарсларини алоҳида илиқ хотирлайдилар.

1939-йилда «мутлақо махфий» грифи остида иккинчи ва учинчи қаватлар Қизил Армия офицерлари учун госпиталга мослаштирилган. Бу ерда афсонавий саркардалар даволанган, биринчи қаватда эса болалар ижодий тўгараклари ишлаган.

Ю. А. Гагарин космосга учганидан кейин 1961-йилда саройга унинг номи берилган.

Мустақиллик йилларида бинода Енгил саноат вазирлиги жойлашган, ҳозирда Миллатлараро муносабатлар ва хориждаги ватандошлар билан алоқа қўмитаси ишлайди.

2015-йилда бино олдидаги скверда А. С. Пушкин ҳайкали ўрнатилган.