Тошкент шаҳар ҳокими ўринбосари фуқаролар мурожаатларини тинглади

▫️Жорий йилнинг 8-сентябр куни Тошкент шаҳар ҳокимининг туризм, маданият, маданий мерос ва оммавий коммуникациялар масалалари бўйича ўринбосари Азизхон Шовкатов томонидан навбатдаги шахсий қабул ўтказилди.

✔️Қабул давомида 5 нафар фуқаронинг мурожаати тингланди. Улардан 2 таси туризм, 3 таси эса маданият соҳасига оид масалаларни қамраб олди.

Ҳар бир мурожаат юзасидан зарур тушунтиришлар берилиб, қўшимча ўрганишни талаб этадиган масалалар бўйича тегишли мутасадди ташкилотларга топшириқлар берилди.

Шахсий қабул Ўзбекистон Республикаси Президентининг Тошкент шаҳридаги Халқ қабулхонасида ўтказилди.