Президент Олимпиадаси иштирокчиларини муносиб кутиб олиш масалалари муҳокама қилинди

🏃 23-октябр куни Олимпия шаҳарчасида 2026-йилги Президент Олимпиадасини юқори савияда ташкил этиш ва иштирокчиларини муносиб кутиб олиш масалаларига бағишланган йиғилиш бўлиб ўтди.

Унда Тошкент шаҳар ҳокими ўринбосари Дурдона Раҳимова, спорт вазири маслаҳатчиси Шарифжон Мўминжонов, Марказий банк департаменти бошлиғи, банк вакиллари, спорт федерациялари раҳбарлари, ташкилий қўмита аъзолари ҳамда меҳмонхона раҳбарлари иштирок этди.

▫️Жорий йилнинг 27-октябридан 8-ноябрига қадар ўтказиладиган Президент Олимпиадасида спортнинг 26 тури бўйича республикамизнинг барча ҳудудларидан жами 3 657 нафар спортчи иштирок этиши кутилмоқда.

💬 Йиғилишда спортчиларни кутиб олиш, меҳмонхоналарга жойлаштириш, улар учун зарур шарт-шароитларни яратиш ҳамда мусобақаларни юқори савияда ўтказиш билан боғлиқ ташкилий масалалар муҳокама қилинди.

🟢Шунингдек, Тошкент шаҳар делегацияси аъзоларининг мусобақаларда муносиб иштирокини таъминлаш, спортчиларнинг тайёргарлиги ва зарур шароитларни яратиш масалаларига алоҳида эътибор қаратилди.

💰Маълумот учун, 2025-йилда ўтказилган Президент Олимпиадасида Тошкент шаҳри жамоаси умумжамоа ҳисобида фахрли 1-ўринни эгаллаган.