200 миллион долларлик инвестиция лойиҳаси муҳокама қилинди

➡️ V Тошкент халқаро инвестиция форуми доирасида Бектемир тумани ҳокими Н. Абдураҳмонов Малайзиянинг «Spora Global Sdn Bhd» компанияси раҳбарияти билан учрашув ўтказди.

📄 Музокаралар давомида Бектемир тумани ҳудудидан оқиб ўтувчи Чирчиқ дарёсининг иккинчи 5 километрлик қисмида йирик инвестиция лойиҳасини амалга ошириш масалалари муҳокама қилинди. Лойиҳанинг дастлабки қиймати 200 миллион АҚШ долларини ташкил этиши режалаштирилган.

☑️ Учрашувда лойиҳа концепцияси, инвестицион имкониятлар, ҳудуд инфратузилмасини ривожлантириш, шунингдек, замонавий шаҳарсозлик ечимлари ва рекреацион ҳудудларни барпо этиш истиқболлари юзасидан фикр алмашилди.

🔘 Таъкидланганидек, мазкур лойиҳа Бектемир туманининг инвестицион жозибадорлигини ошириш, янги иш ўринларини яратиш, туризм ва хизмат кўрсатиш соҳаларини ривожлантириш ҳамда Чирчиқ дарёси бўйидаги ҳудудлардан самарали фойдаланишга хизмат қилади.

📄 Учрашув якунида томонлар лойиҳани амалга ошириш бўйича ҳамкорликни давом эттиришга келишиб олдилар. Келажакда мазкур лойиҳа юзасидан инвестицион шартнома имзоланиши кутилмоқда.

✊ Бектемир тумани ҳокимлиги Матбуот хизмати