Ёғингарчилик мавсумига тайёргарлик – доимий назоратда

👉 Ёғингарчилик кунларида юзага келиши мумкин бўлган ноқулайликларнинг олдини олиш, аввало, муаммоларни олдиндан аниқлаш ва ўз вақтида бартараф этишни талаб қилади.

🗣 Бироз олдин Яккасарой тумани ҳокими Нилуфар Аллабергенова масъул мутасаддилар билан биргаликда тумандаги Братислава кўчасида бўлиб, ҳудуддаги лоток ва сув ўтказиш тизимларининг ҳолатини жойида ўрганди.

👉 Ўрганиш давомида ёғингарчилик пайтида сув тўпланиши ва тошишига сабаб бўлиши мумкин бўлган ҳолатлар кўздан кечирилди.

🗣 Туман ҳокими мавжуд камчиликларни тезкор бартараф этиш, лотокларни тозалаш, сувнинг эркин оқимини таъминлаш ҳамда ёғингарчилик кунларида аҳоли учун ноқулайликлар юзага келишининг олдини олиш бўйича масъулларга аниқ топшириқлар берди.