Yog‘ingarchilik mavsumiga tayyorgarlik – doimiy nazoratda

👉 Yog‘ingarchilik kunlarida yuzaga kelishi mumkin bo‘lgan noqulayliklarning oldini olish, avvalo, muammolarni oldindan aniqlash va o‘z vaqtida bartaraf etishni talab qiladi.

🗣 Biroz oldin Yakkasaroy tumani hokimi Nilufar Allabergenova mas’ul mutasaddilar bilan birgalikda tumandagi Bratislava ko‘chasida bo‘lib, hududdagi lotok va suv o‘tkazish tizimlarining holatini joyida o‘rgandi.

👉 O‘rganish davomida yog‘ingarchilik paytida suv to‘planishi va toshishiga sabab bo‘lishi mumkin bo‘lgan holatlar ko‘zdan kechirildi.

🗣 Tuman hokimi mavjud kamchiliklarni tezkor bartaraf etish, lotoklarni tozalash, suvning erkin oqimini ta’minlash hamda yog‘ingarchilik kunlarida aholi uchun noqulayliklar yuzaga kelishining oldini olish bo‘yicha mas’ullarga aniq topshiriqlar berdi.