O‘zSSRning 50 yilligiga bag‘ishlab yaratilgan bir qator ob’ektlar orasida 16 qavatli «Sharq» nashriyot majmuasi binosi alohida o‘rin tutadi, hozirgi kunda u O‘zA ma’muriy binosi.

Toshkent umuman baland binolarga boy emas va bu bino — soat va yangiliklar hamda reklama ko‘rsatish uchun qora ekran bilan — shahar markazi panoramasiga muvaffaqiyatli joylashdi va uni vizual jihatdan «ushlab» turadi. Ayniqsa, TSUM va Mustaqillik maydonidan qaraganda u Tarix muzeyi binosi (sobiq Lenin muzeyi) hajmi bilan muvozanatli «o‘ynaydi».

Loyiha mualliflari: me’morlar R. Bleze, A. Gorbenko, L. Vladimirov, O. Grishko va L. Xristich. Muhandislar: Ye. Patlis, M. Rijevskiy, N. Valuev, Z. Shutyayeva, B. Marinich va F. Ganiyev.

2012 yilda bino rekonstruksiya qilindi: yiqilib tushib, o‘tkinchilarga xavf tug‘dirayotgan marmar plitalar plastik bilan almashtirildi. Shu bilan birga, nisbatlar buzildi, soat ostidagi dekorativ kamar va antenna ustuni yo‘qoldi. Natijada, me’morchilik tarixchisi B. Chuxovichning fikricha, bino o‘zining dastlabki brut xarakterini yo‘qotdi.

2023 yilda baland bino nashriyot majmuasi bilan birga sotuvga qo‘yildi, ammo Madaniy meros agentligi ob’ekt Milliy madaniy meros reestriga kiritilganini va bunday binolar xususiylashtirilmasligini e’lon qildi.