Skverdagi chiroyli bino 1895-yilda meʼmor V. S. Geyntselman tomonidan qurilgan va Imperator davlat bankining Toshkent boʻlimi uchun moʻljallangan edi.

Sovet yillarida unda «Prombank»ning Oʻrta Osiyo boʻlimi joylashgan.

Hozirda binoda «Oʻzpromstroybank» («Oʻzsanoatqurilishbank»)ning filallaridan biri joylashgan boʻlib, unda tashqi va ichki qiyofasini asl holatiga yaqinlashtirgan rekonstruksiya bilan taʼmirlash ishlari olib borilgan.

Ichkarida pul koʻtarish uchun lift saqlanib qolgan, ikkinchi qavatda esa kichik muzey tashkil etilgan, uning ekspozitsiyasida eski banknotlar, yozuv mashinkalari, arifmometrlar va arxiv fotosuratlari taqdim etilgan.