Uzunasiga cho‘zilgan to‘qqiz qavatli bino Chilonzor ko‘chasi bilan Kichik halqa avtomobil yo‘li (sobiq Farhod ko‘chasi) chorrahasini vizual “ushlab turadi”. Asosiy korpusning to‘rtburchak hajmi yumaloq konferens-zal bilan galereya orqali bog‘langan.

Ko‘krak jarrohligi binosi 1975-yilda qurilgan. Me’morlari — O. Gaazenkopf va M. Kondakova; muhandislari — A. Tuniyants, A. Asanov va A. Krakov.

Arxitektura tarixchisi B. Chuxovich ta’kidlaydi, tibbiy ob’ekt loyihasi 1965-yilda, zilziladan oldin boshlangan va loyiha bir necha marta o‘zgargan. Mustaqillik yillarida binoning old tomoni alyukobond bilan qoplangan, bu uning umumiy ko‘rinishini deyarli o‘zgartirmagan.

2024-yilda Vazirlar Mahkamasining qaroriga ko‘ra, Ko‘krak jarrohligi ilmiy-tadqiqot instituti modernizm davrining boshqa to‘qqizta ob’ekti qatori O‘zbekiston moddiy madaniy merosining milliy ro‘yxatiga kiritildi.